كتييير بيمر عليكي وقت تفتحي تلاجتك وتدوري على حاجة تاكليها او تطلبي أوردر حتى وإنتي مش جعانة …
جواكي صوت بيقول يلا نقوم ناكل أيس كريم .. شيكولاتاية …او حتى حتة جاتوه …
إحساس بالنهم للأكل والحلويات غير طبيعي ومهما تاكلي بتجوعي اكتر مبتشبعيش
أكيد عاوزة تسئلي نفسك 🤔 هو إيه اللي بيحصلي ده ؟ مش في الأكل بس …
🛍️ده شوبينج بلا سبب ولا إحتياج
🙍🏻♀️علاقات سامة ونص كم مالية حياتك
🤦🏻♀️قبولك لتعاملات توجعك وتجرحك وبتدوسي على نفسك عشان تكملي فيها
إنتي مكنتيش جعانة لما فتحتي التلاجة
ولا كنتي محتاجة لحاجة لما عملتي شوبينج
ولا راضية عن العلاقات السامة اللي في حياتك
وعاوزة تصرخي في وش كل ده وتقولي إطلعوا برا حياااااتي 🤬
بس في حاجة بتمنعك تعملي كده وبتخليكي مكملة في اللي مش عاوزاه ولا محتاجاه…
كل ده بتحاولي تسدي بيه فراغ كبير جواكي
🔔 كل ده جرس انذار 🔔
إنتي مش جعانة للأكل إنتي جعانة للحب
إنتي مش محتاجة الشوبينج بس محتاجة تبقي مبسوطة
بتقبلي بعلاقات سامة عشان خايفة من الوحدة
راضية بأقل من اللي تستحقيه عشان مش عارفة قيمتك الحقيقية
طيب والحل ؟
▪️ قبل أي تصرف إسئلي نفسك إنتي عاوزة تعملي ده فعلاً ولا محتاجة لإحساس معين وبتحاولي تشبعيه
▪️ خصصي لنفسك وقت في يومك إقعدي معاها إعرفيها أكتر حبيها طبطبي عليها عرفيها إنك جمبها ومش هتسيبيها ولا تتخلي عنها مهما حصل
▪️ إلعبي رياضة عشان تساعدي جسمك يفرز هرمون الإندروفين وده ليه دور كبير وفعال في علاج الإكتئاب
▪️كل يوم قبل ما تنامي خصصي خمس دقايق لممارسة تأمل الضحك إضحكي بصوت عالي حتى لو ملكيش نِفس😃 عقلك مبيفرقش بين الضحك الحقيقي واللي مش حقيقي والتأمل ده هيخليكي تنامي مبسوطة وبالتالي تصحي مبسوطة ☺️
✨لو عاوزة تعرفي الأسباب الحقيقية وراء الأعراض والمشاكل النفسجسمية اللي بتحصلك تابعيني
ولو عندك مشكلة ومحتاجة حد يسمعك من غير ما يحكم عليكي إكتبيلنا رسالة على الواتس 00201008667852 وإحجزي إستشارتك
✨خلي أول خطوة في التشافي إختيار مش صدفة✨
د. رانيا زكريا عبد العزيز
مستشارة التحول الشامل والتمكين الذاتي
